DeepState: УСУ правялі ўдалую і смелую аперацыю на Пакроўскім кірунку

• 10.02.2025, 15:35

Аднавілі становішча ў двух месцах.

УСУ аднавілі пазіцыю адразу ў двух месцах на Пакроўскім адрэзку.

Пра гэта 10 лютага паведамілі аналітыкі праекту DeepState.

Паводле іх інфармацыі, вайскоўцы 68-й асобнай егерскай брыгады «правялі ўдалую і смелую аперацыю, адкінуўшы супраціўніка з часткі населенага пункта Дачанскае».

Акрамя таго, у DeepState паведамілі, што Сілы абароны зачысцілі прамзону ў сяле Вадзяное Другое, дзе частка войскаў краіны-агрэсара РФ на непрацяглы час здолелі замацавацца. Аднак, са звестак аналітыкаў праекту, расейцы не адмаўляюцца ад штурмавых дзеянняў у гэтым раёне.