Украінскія «Аплоты-Т» ўпершыню прымянілі ў баі

• 9.12.2025, 23:55

Танкі прымянілі Узброеныя сілы Тайланда.

Узброеныя сілы (УС) Тайланда ўпершыню прымянілі ў баі танкі «Аплот-Т» украінскай вытворчасці. На адпаведны відэазапіс звярнуў увагу Telegram-канал «Военный осведомитель».

На кадрах, знятых разведвальным дронам, бачны «Аплоты» з антыдронавымі казыркамі, якія вядуць агонь. Машыны выкарыстоўваюць для стральбы па будынку ў ходзе ўзноўленых баявых дзеянняў паміж Тайландам і Камбоджай.

БМ «Аплот» — мадэрнізаваная версія савецкага Т-80УД. Машына атрымала дынамічную абарону «Дуплет», дызельны рухавік магутнасцю 1200 конскіх сіл і комплекс аптыка-электроннага процідзеяння. Для Тайланда вырабілі 49 танкаў «Аплот-Т», якія дадаткова абсталявалі кандыцыянерам і дапаможнай сілавой устаноўкай.