Time назваў артыста года

• 9.12.2025, 20:45

Рэдакцыя часопіса патлумачыла свой выбар.

Амерыканскі акцёр Леанарда Дзі Капрыа стаў артыстам года паводле версіі часопіса Time. Пра гэта рэдакцыя часопіса паведаміла ў сваім уліковым запісе ў сацыяльнай сетцы X.

«Усё, чаго ён калі-небудзь хацеў, — стаць акцёрам. Леанарда Дзі Капрыа — артыст года паводле версіі Time», — напісалі прадстаўнікі выдання.

У рэдакцыі выбар патлумачылі тым, што 51-гадовы Дзі Капрыа нават праз больш як 30 гадоў кар’еры, за час якой ён рабіў стаўку на непрадказальныя праекты, застаўся папулярным сярод гледачоў — і цяпер, магчыма, больш, чым калі-небудзь.

Леанарда Дзі Капрыа — лаўрэат прэмій «Оскар», BAFTA, «Залаты глобус» і Гільдыі кінаакцёраў ЗША за найлепшую мужчынскую ролю ў фільме «Выжыўшы».