Трамп: Дні Мадуры палічаныя

• 9.12.2025, 19:11

Кіраванне сябра Лукашэнкі набліжаецца да завяршэння.

Кіраванне дыктатара Венесуэлы Нікаласа Мадуры хутка скончыцца, заявіў прэзідэнт ЗША Дональд Трамп у інтэрв’ю Politico.

«Яго дні палічаныя», — сказаў Трамп.

Амерыканскі лідар не даў яснага адказу на пытанне, ці можна выключыць магчымасць сухапутнага ўварвання ЗША ў Венесуэлу: «Я не хачу пацвярджаць або выключаць такі варыянт. Не хачу гаварыць пра гэта».

ЗША ў апошнія месяцы сцягвалі ў Карыбскае мора значныя сілы. Да сярэдзіны лістапада колькасць амерыканскіх вайскоўцаў у рэгіёне дасягнула 15 тыс. чалавек. Гэта найбуйнейшая групоўка войскаў ЗША на Карыбах за некалькі дзесяцігоддзяў.

29 лістапада Трамп абвясціў пра закрыццё паветранай прасторы над Венесуэлай.