Сызранскі НПЗ «Раснафты» спыніў працу

• 9.12.2025, 18:39

З-за атакі БПЛА.

Сызранскі НПЗ «Раснафты» прыпыніў перапрацоўку нафты з-за пашкоджання тэхналагічнага абсталявання ў выніку атакі беспілотных лятальных апаратаў (БПЛА) 5 снежня, паведамляе Reuters са спасылкай на дзве крыніцы ў галіне.

Па ацэнцы аднаго з суразмоўцаў, рамонт завода магутнасцю 8,5 млн тон у год можа працягнуцца некалькі тыдняў. «Папярэдне завод будзе на рамонце да канца снежня», — сказаў ён.

У выніку ўдару БПЛА была пашкоджана ўстаноўка першаснай перапрацоўкі нафты АВТ-6, на якую прыпадае 70% магутнасці завода. Яна таксама пацярпела ў выніку атакі дронаў у сярэдзіне жніўня, і тады яе рамантавалі каля двух тыдняў.

Летась Сызранскі НПЗ перапрацаваў 4,3 млн тон нафты, вырабіў 0,8 млн тон аўтабензіну, 1,5 млн тон дызельнага паліва і 0,7 млн тон мазуту.