З-за дронаў рэйсы з маскоўскага аэрапорта Шарамет'ева скасаваныя

• 9.12.2025, 17:54

У тым ліку мінскія.

У Маскве з-за налёту дронаў уведзены часовыя абмежаванні на выкарыстанне паветранай прасторы ў раёне аэрапорта Шарамет'ева. Рэйсы ў Мінск і з Мінска кампаніі «Аэрафлот» скасаваныя. Пра гэта паведамляе анлайн-табло паветранай гавані, піша «Zerkalo».

«У сувязі з увядзеннем 9 снежня часовых абмежаванняў на выкарыстанне паветранай прасторы ў раёне аэрапорта Шарамет'ева «Аэрафлот» вымушаны карэктаваць расклад шляхам пераносу часу вылету, а таксама скасавання некаторых рэйсаў. Меры прыняты для забеспячэння бяспекі палётаў», — паведамілі ў кампаніі «Аэрафлот».

З Масквы ў Мінск скасаваны рэйс на 18:35. Рэйсы на 22:15 і 22:40 пакуль запланаваныя. З Мінска ў Маскву скасаваны рэйс на 20:10.