У Беларусі зноў знік пасёлак

• 9.12.2025, 14:06

Дзе гэтым разам?

У Беларусі працягваюць знікаць населеныя пункты і аб'екты інфраструктуры. Нядаўна СМІ паведамлялі, што адразу тры чыгуначныя станцыі перасталі існаваць (а яшчэ адзін аграгарадок стаў вёскай), а таксама што зніклі яшчэ шэсць вёсак і два сельсаветы.

Гэтым разам спіс страт складаецца ўсяго з аднаго пункта, як заўважылі на blizko.by.

На сайце Белгеадэзіі абнавіўся інфармацыйны бюлетэнь «Змены найменняў геаграфічных аб'ектаў Рэспублікі Беларусь». Цяпер там з'явілася рашэнне №119 ад 28 лістапада 2025 года.

Пасёлак Мігай у Марозавіцкім сельсавеце Буда-Кашалёўскага раёна Гомельскай вобласці спыніў існаванне.

Інфармацыя пра гэта ўжо ўнесена і ў пералік адміністрацыйна-тэрытарыяльных адзінак на сайце Дзяржкартгеацэнтра.