Зяленскі: Кітай зацягвае вайну супраць Украіны

• 9.12.2025, 4:50

Пекін не хоча паразы РФ.

Кітай мае істотны ўплыў на расійскага дыктатара Пуціна і не зацікаўлены ў заканчэнні вайны супраць Украіны.

Пра гэта прэзідэнт Украіны Уладзімір Зяленскі заявіў, адказваючы на пытанні журналістаў.

Па яго словах, Пекін разглядае РФ як важнага партнёра ў глабальным супрацьстаянні з Злучанымі Штатамі.

- Кітай дакладна мае ўплыў на Пуціна. Я не бачу, каб Кітаю было выгадна заканчэнне гэтай вайны. Чаму? Таму што мы бачылі новую дактрыну ЗША. Гэта два полюсы, якія бачаць адзін аднаго - дзве вялікія дзяржавы і вялікае супрацьстаянне, - сказаў Зяленскі.

Ён падкрэсліў, што Пекіну не выгадная слабая або паражаная Расія, бо гэта аслабіла б баланс сіл у глабальнай канкурэнцыі паміж Кітаем і ЗША.

- Сёння Кітаю не выгадная слабая і паражаная Расія. І з-за гэтага пакутуе ўкраінскі народ, - заявіў кіраўнік украінскай дзяржавы.