Умераў расказаў, што вязе Зяленскаму з ЗША

• 8.12.2025, 20:49

Сакратару РНБО Украіны сталі вядомыя падрабязнасці размовы ў Маскве.

Сакратар РНБО Украіны Рустэм Умераў расказаў, што 8 снежня перадасць прэзідэнту Украіны Уладзіміру Зяленскаму падрабязнасці перамоў ЗША з РФ, а таксама драфты прапаноў па «мірным плане».

- Першачарговай задачай украінскай каманды было атрымаць ад амерыканскага боку поўную інфармацыю пра іх размову ў Маскве і ўсе драфты актуальных прапаноў, каб падрабязна абмеркаваць іх з прэзідэнтам Украіны, - адзначыў Умераў у сваім тэлеграм-канале.

Умераў адзначыў, што Украіна разам з усімі партнёрамі павінна зрабіць усё для годнага заканчэння поўнамаштабнай вайны.

- Сёння перададзім поўную інфармацыю прэзідэнту Украіны пра ўсе аспекты дыялогу з амерыканскім бокам і ўсе дакументы, - падкрэсліў сакратар РНБО.