Літву зноў атакавалі метэазонды з Беларусі

• 8.12.2025, 11:16

Гібрыдныя атакі рэжыму Лукашэнкі працягваюцца.

Літоўскія праваахоўнікі канфіскавалі чатыры паветраныя шары, якія выкарыстоўваліся для перавозкі беларускіх кантрабандных цыгарэт, падчас рэйдаў у памежных раёнах.

Пра гэта ў панядзелак, 8 снежня, паведаміла ўпраўленне паліцыі, піша LRT.

Як адзначаецца, з 24 лістапада паліцыя, Дзяржаўная памежная служба, Мытная крымінальная служба і Ваенная паліцыя Літвы праводзяць рэйды ў памежных раёнах краіны.

За гэты час гэтыя службы канфіскавалі 33 паветраныя шары і амаль 73 тысячы пачак кантрабандных цыгарэт.

У прыватнасці, у панядзелак, 8 снежня, стала вядома, што ў памежных раёнах Літвы канфіскавалі чатыры паветраныя шары.