Рада Бяспекі ААН збярэцца 9 снежня па пытанні Украіны

• 8.12.2025, 11:07

Пасяджэнне ініцыявала Славенія.

Рада Бяспекі ААН збярэцца 9 снежня для абмеркавання вайны ва Украіне. Пра гэта паведаміла АРА. Агенцтва спасылаецца на прадстаўніцтва Славеніі, якая старшынствуе ў Радзе Бяспекі ААН.

Пачатак пасяджэння запланаваны на 10:00 па ўсходнеамерыканскім часе (17:00 па Мінску).

Пасяджэнне ініцыявала Славенія пры падтрымцы Даніі, Францыі, Вялікабрытаніі, Грэцыі і Паўднёвай Карэі.

У графіку Рады Бяспекі на сайце арганізацыі мерапрыемства на 9 снежня пакуль не пазначана.