Беларускі брамнік Мікіта Талапіла стаў бацькам

• 7.12.2025, 17:19

А пасля правёў паспяховы матч у НХЛ.

Беларускі хакеіст 28 разоў выратаваў вароты «Ванкувера» ў хатнім матчы рэгулярнага чэмпіянату НХЛ супраць «Мінесоты», піша Smartpress.by.

Канадскі клуб здабыў упэўненую перамогу над супернікам з лікам 4:2. За гэта Мікіта Талапіла быў прызнаны другой зоркай матчу.

Зазначым, што некалькі дзён таму Мікіта стаў бацькам. У 25-гадовага галкіпера і ягонай жонкі Аляксандры нарадзілася дачка. З гэтай прычыны беларус на нядоўгі час адлучаўся ад размяшчэння «Ванкувера».

Талапіла правёў трэцюю гульню ў сезоне НХЛ. У двух паядынках яго каманда ўзяла верх.