Буданаў: Мы праслухоўваем высокапастаўленых людзей у Крамлі

• 7.12.2025, 11:21

Начальнік ГУР пацвердзіў такія магчымасці украінскай разведкі.

Начальнік Галоўнага ўпраўлення разведкі Кірыл Буданаў заявіў, што украінская ваенная разведка мае магчымасць праслухоўваць размовы высокапастаўленых прадстаўнікоў Крамля.

Аб гэтым паведамляе РБК-Украіна.

Падчас размовы з карэспандэнткай РБК-Украіна Буданаў коратка пацвердзіў магчымасці ГУР.

«Можам, так. Мы за гэта грошы атрымліваем», — сказаў ён.

Каментар прагучаў на фоне публікацый у шэрагу заходніх медыя, дзе з’явілася версія, што менавіта Украіна магла перадаць журналістам запісы размоў дарадцы Пуціна Юрыя Ушакова і пасланца Кірыла Дзмітрыева.