У Беларусі ўвялі навацыі па разліку плацяжоў за ацяпленне жылля

• 7.12.2025, 14:58

Змены пачалі дзейнічаць з 30 лістапада гэтага года.

Міністэрства жыллёва-камунальнай гаспадаркі зацвердзіла новы парадак разлікаў за ацяпленне ў шматкватэрных дамах. Пра гэта паведамляе партал камунальнай граматнасці насельніцтва. Змены пачалі дзейнічаць з 30 лістапада гэтага года.

Міністэрства ЖКГ больш дакладна прапісала, як разлічваецца плата за ацяпленне, калі:

у кватэрах усталяваныя размеркавальнікі цяпла або індывідуальныя лічыльнікі,

а агульны выдатак цеплавой энергіі дома вызначаецца па групавым прыборы ўліку — агульнадамавым.

Раней такі парадак быў апісаны менш фармальна і часта прымяняўся па-рознаму ў розных рэгіёнах. Цяпер усталявалі адзіныя ўмовы для ўсіх шматкватэрных дамоў:

як размеркоўваецца агульны аб'ём цеплавой энергіі паміж кватэрамі,

як улічваецца розніца паміж паказаннямі размеркавальнікаў/індывідуальных лічыльнікаў і агульнадамавога прыбора,

якія дадзеныя выкарыстоўваюцца для разліку платы.

Нагадаем, раней з 1 кастрычніка ў Беларусі ўвялі змены па разліку і аплаце жыллёва-камунальных паслуг. Яны закранулі ў тым ліку аплату электраэнергіі, форму жыровак. Таксама з'явіліся навацыі для «дармаедаў».