Байцы ГУР знішчылі расійскі «Бук» у Запарожскай вобласці

• 6.12.2025, 16:11

Відэафакт.

Байцы Галоўнага ўпраўлення разведкі Міністэрства абароны Украіны ў Запарожскай вобласці знішчылі расійскі зенітна-ракетны комплекс «Бук».

Пра гэта паведамляе Telegram ГУР.

«6 снежня 2025 года з нагоды Дня Узброеных Сіл Украіны майстры спецпадраздзялення ГУР МА Украіны «Прывіды» высачылі і нанеслі паспяховы ўдар па варожым зенітна-ракетным комплексе «Бук-М3», — гаворыцца ў паведамленні.

У ГУР адзначылі, што чарговую дарагую сістэму СПА расійскіх захопнікаў спалілі на часова акупаванай тэрыторыі Запарожскай вобласці паблізу населенага пункта Святатроіцкае.