Пратас закінуў дзявятую шайбу ў сезоне НХЛ

• 6.12.2025, 15:15

Беларускі хакеіст закінуў «Анахайму».

У чарговым матчы чэмпіянату Нацыянальнай хакейнай лігі «Вашынгтон» у серыі булітаў саступіў у гасцях «Анахайму» са лікам 3:4.

Адну з шайбаў у складзе гасцей закінуў Аляксей Пратас. Для беларуса гэта ўжо дзявяты гол у сезоне, і цяпер у яго 19 (9+10) ачкоў па сістэме «гол плюс пас».

Зазначым, што Пратас удала дзейнічае ў апошніх матчах. Яго выніковая серыя дасягнула ўжо пяці паядынкаў, падчас якіх ён нязменна набіраў ачкі. Усяго на гэтым адрэзку наш суайчыннік паклаў у скарбонку 5 (3+2) ачкоў.