У Нарвегіі жорстка раскрытыкавалі футбольную Прэмію міру для Трампа

• 6.12.2025, 14:36

Прэмію прыдумалі спецыяльна для прэзідэнта ЗША.

У Вашынгтоне прайшла жараб'ёўка чэмпіянату свету па футболе 2026-га года. Падчас цырымоніі кіраўнік Міжнароднай федэрацыі футбола Джанні Інфанціна уручыў прэзідэнту ЗША Дональду Трампу Прэмію міру ФІФА, піша New Voice.

Прэмію прыдумалі перад жараб'ёўкай спецыяльна для Трампа, якому не дасталася Нобелеўская прэмія міру.

У Нарвегіі, чыя зборная прабілася на мундыяль, цырымонію абмяркоўвалі ў студыі канала NRK журналісты разам з экспертамі. Да размовы таксама далучыліся галоўны трэнер зборнай Нарвегіі Столе Сольбаккен і прэзідэнт Нарвежскай федэрацыі футбола Лізэ Клавенэс, якія непасрэдна прысутнічалі на жараб'ёўцы ў Вашынгтоне.

«Буду шчырым — гэта было шоў пачвар», — каротка выказаўся пра цырымонію Сольбаккен.

Клавенэс таксама не хавала засмучэння ад таго, што адбываецца. Яна лічыць, што Прэмія міру ФІФА нелегітымная.