У цэнтры Мінска ўбачылі куніцу

• 6.12.2025, 11:37

Яна ўвесь дзень сядзела на дрэве.

На самай верхавіне дрэва каля корпуса БНТУ раніцай у пятніцу заўважылі жывёлу. Гэта не кот — гэта куніца.

Як яна туды забралася і адкуль увогуле ўзялася ў горадзе, не зусім зразумела, але сітуацыя, як мінімум для самой куніцы, даволі напружаная, піша (onliner.byhttps://people.onliner.by/2025/12/05/kunica).

— Яна сядзіць там з самай раніцы. Людзі выклікалі МНС, думалі, што лесвіцу паставяць і спусцяць яе. Але высветлілася, што ставіць лесвіцу няма куды, а куніца да таго ж скача з галіны на галіну, — перадае адзін са студэнтаў.

Кажуць, што жывёла відавочна спалоханая, аднойчы ледзь не звалілася з дрэва. Яна сядзела і не рухалася.