ДАІ ўзмацніла кантроль на дарогах у выходныя

• 6.12.2025, 11:20

Асабліва ў Брэсцкай, Гомельскай і Мінскай абласцях.

Дзяржаўтаінспекцыя ўзмацніла кантроль у выходныя на дарогах Беларусі, паведамілі ў суботу ў прэс-службе МУС.

«З мэтай забеспячэння бяспекі дарожнага руху ў выходныя ДАІ надасць павышаную ўвагу спыненню грубых парушэнняў ПДР як вадзіцелямі, так і пешаходамі», — гаворыцца ў паведамленні.

У міністэрстве адзначылі, што ў адпрацоўках найбольш аварыйна небяспечных участкаў дарог Брэсцкай, Гомельскай і Мінскай абласцей задзейнічаны нарады спецпадраздзялення ДПС «Страла».

Інспектары скіраваныя на выяўленне нецвярозых вадзіцеляў і «беспраўнікаў». Таксама будзе правярацца наяўнасць і стан зімовых шын, выкананне хуткаснага рэжыму, правіл праезду пешаходных пераходаў і выезду на сустрэчную паласу.

У МУС паведамілі, што ападкі ў спалучэнні з перападамі тэмператур негатыўна ўплываюць на дарожную абстаноўку, сітуацыю ўскладняюць туманы, якія зніжаюць бачнасць. Таму вадзіцелям трэба праяўляць павышаную ўвагу пры праездзе пераходаў і руху паблізу населеных пунктаў, выконваць абмежаванні хуткасці і правілы манеўравання.

Пешаходам нагадалі, што ва ўмовах дрэннага надвор'я трэба апранацца ў яркае адзенне і выкарыстоўваць святлоадбівальныя элементы, каб вадзіцелі змаглі своечасова іх заўважыць.