Да +7°С чакаецца ў Беларусі ў суботу

• 5.12.2025, 23:41

Пераважна без ападкаў.

У Беларусі 6 снежня ўначы месцамі чакаюцца невялікія дажджы, удзень будзе пераважна без ападкаў, у асобных раёнах магчымы слабы туман. Пра гэта паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

У суботу будзе воблачна, удзень з праясненнямі. Вецер прагназуецца паўднёва-ўсходні 4-9 м/с.

Тэмпература паветра ўначы складзе ад мінус 1 да плюс 5 градусаў. Удзень будзе 1-7 градусаў цяпла.