СМІ: Андрэй Ермак наведаў офіс Службы знешняй разведкі Украіны

• 5.12.2025, 21:04

Экс-кіраўнік Офіса Прэзідэнта Украіны рыхтуецца да ад'езду з краіны?

Паводле звестак крыніц ZN.UA, сёння каля 17:00 былы кіраўнік Офіса Прэзідэнта Украіны Андрэй Ермак прыбыў у цэнтральны офіс Службы знешняй разведкі Украіны. Ён заехаў на чорным браняваным Mercedes S-класа (Mercedes 222, нумар 5657).

Як паведамляюць суразмоўцы выдання, ён прабыў там 45 хвілін і пасля ад'езду Ермака кіраўнік СВРУ Алег Івашчэнка выклікаў да сябе кіраўніка дэпартамента, які займаецца дакументамі прыкрыцця. Паводле слоў крыніц, Івашчэнка лічыцца «стопрацэнтным чалавекам Ермака» і, паводле інфармацыі тых жа суразмоўцаў, ён абавязаны Ермаку сваім прызначэннем.

Крыніцы дапускаюць, што дакументы прыкрыцця могуць рыхтавацца для магчымога перасячэння мяжы.

Паралельна суразмоўцы ў праваахоўных органах паведамляюць, што НАБУ рыхтуе новую серыю аўдыязапісаў у межах аперацыі «Мідас», якая тычыцца ролі Андрэя Ермака, а таксама падазрэння.