Трохгадовы шахматыст стаў наймаладзейшым спартоўцам у гісторыі рэйтынгу FIDE

• 5.12.2025, 21:01

Індыец быў уключаны ў рэйтынг ва ўзросце трох гадоў і сямі месяцаў.

Трохгадовы індыец Сарваг'я Сінгх Кушваха стаў наймаладзейшым шахматыстам у гісторыі рэйтынгу Міжнароднай шахматнай федэрацыі (FIDE), паведамляе ETV Bharat.

Ён быў уключаны ў рэйтынг ва ўзросце трох гадоў, сямі месяцаў і дваццаці дзён, пабіўшы рэкорд свайго суайчынніка Аніша Саркара (3 гады 8 месяцаў 19 дзён).

«Мы святкуем дасягненне Сарваг'і. Для нас гэта вялікі гонар і чэсць. Мы лічым, што ў яго бліскучая будучыня ў шахматах. Хочам, каб ён стаў гросмайстрам», — сказаў бацька хлопчыка.