Соль і запалкі выйшлі з-пад кантролю Лукашэнкі

• 5.12.2025, 10:43

Скасавана рэгуляванне цэн на 12 тавараў.

На Нацыянальным прававым інтэрнэт-партале 5 снежня афіцыйна апублікавалі пастанову Савета Міністраў з папраўкамі ў дзейную сістэму рэгулявання цэн у Беларусі. Спіс тавараў, на якія дзяржава рэгулюе цэны, скараціўся з 211 да 199 пазіцый. Паглядзелі, якія менавіта тавары вывелі з-пад дзяржаўнага рэгулявання.

Са спісу прыбралі адразу 12 пазіцый:

харчовая соль, за выключэннем марской і гімалайскай,

спіртовы воцат,

харчовая сода,

купальныя касцюмы,

гумовы абутак (жаночы, мужчынскі і дзіцячы),

махровы ручнік,

мясарубкі і блендары,

фены для валасоў,

цвёрдае гаспадарчае мыла,

запалкі.

Некаторыя пазіцыі ў пераліку перагледзелі, удакладніўшы фармулёўкі. У прыватнасці, з-пад дзяржаўнага рэгулявання вывелі фруктовыя і плодаагароднінныя сокі прамога адціску і рыбныя стэйкі.

Значна перагледзелі пералік школьнай канцылярыі, на якую цэны будуць рэгулявацца дзяржавай. У папярэдняй версіі спісу былі агульныя назвы — сшыткі, лінейкі, алоўкі, — а ў абноўленай — толькі канкрэтныя пазіцыі. Вось на што менавіта цэны па-ранейшаму будуць рэгулявацца:

Сшытак вучнёўскі фармату А5 з колькасцю лістоў не больш за 48 у папяровай, кардоннай вокладцы на скабе.

Альбом для малявання і чарчэння фармату не больш за А4 з колькасцю лістоў не больш за 20, на скабе і склейцы.

Наборы аднастаронняй каляровай паперы і кардону фармату не больш за А4.

Аловак чорнаграфітны ў драўляным корпусе, каляровыя алоўкі і іх наборы з колькасцю не больш за 18 штук.

Лінейка пластыкавая, драўляная да 20 см уключна.

Вострылкі, за выключэннем электрычных, гумкі.

Фарбы акварэльныя ў наборы да 12 колераў уключна, гуаш паасобку і ў наборы да 12 колераў уключна.