Трамп агучыў аптымістычную заяву адносна вайны ва Украіне

• 5.12.2025, 9:25

Падчас цырымоніі ўключэння агнёў на каляднай ялінцы ў Вашынгтоне.

Прэзідэнт ЗША Дональд Трамп лічыць, што ў рэшце рэшт вайна ва Украіне з РФ будзе ўрэгулявана. Паводле яго слоў, Штаты ўпарта працуюць над гэтым.

Пра гэта ён заявіў на святочнай цырымоніі ўключэння агнёў на каляднай ялінцы ў Вашынгтоне, паведамляе Белы дом.

Амерыканскі лідар чарговы раз падкрэсліў, што ЗША ўжо шмат разоў урэгулявалі сусветныя канфлікты і войны. У сувязі з гэтым ён лічыць, што ўдасца і на гэты раз, у выпадку з Украінай.

«І мы ўстанаўляем мір па ўсім свеце, урэгульваючы войны на ўзроўнях, якіх раней ніхто не бачыў — такіх узроўняў можа быць да васьмі. Мы шукаем яшчэ адзін варыянт урэгулявання паміж Расіяй і Украінай, калі гэта магчыма. І я лічу, што ў рэшце рэшт мы гэтага дасягнем», — заявіў Трамп.

Ён таксама падкрэсліў, што ва Украіне на вайне гінуць тысячы і дзясяткі тысяч салдат, што неабходна тэрмінова спыніць. Штаты, як кажа прэзідэнт ЗША, упарта працуюць над гэтым пытаннем.

«На мінулым тыдні за месяц загінула 8 тысяч салдат. Яны дарэмна страцілі 27 тысяч вайскоўцаў. Гэта трэба спыніць. Мы вельмі ўпарта над гэтым працуем», — падсумаваў прэзідэнт ЗША.

Раней віцэ-прэзідэнт ЗША Джэй Дзі Вэнс выказаў надзею, што ў бліжэйшыя некалькі тыдняў будуць «добрыя навіны».