Віктар Ганчарэнка можа ўзначаліць зборную Беларусі па футболе

• 4.12.2025, 20:04

Сёння нацыянальную зборную пакінуў іспанец Карлас Алос.

Сёння Беларуская федэрацыя футбола абвясціла пра завяршэнне супрацоўніцтва з Карласам Алосам, які ўзначальваў зборную Беларусі з жніўня 2023 года.

Паводле інфармацыі журналіста Анара Ібрагімава, 48‑гадовы Віктар Ганчарэнка блізкі да прызначэння ў зборную Беларусі.

Як трэнер Віктар Ганчарэнка — 6‑разовы чэмпіён Беларусі (усе тытулы заваяваў з БАТЭ) і 11 разоў прызнаваўся лепшым трэнерам года ў нашай краіне, а з 2013 года працаваў у Расіі, узначальваў ЦСКА, «Краснадар», «Кубань», «Уфу», «Урал». Апошнім клубам быў «Пари НН».

Таксама сёння паведамлялася, што Ганчарэнка можа ўзначаліць азербайджанскі «Нефтчы».