Метэазонды з Беларусі выяўленыя ў двух гмінах Польшчы

• 4.12.2025, 17:58

Канфіскавана цыгарэт на $22 тысячы.

Супрацоўнікі Падляскай памежнай службы выявілі тры пакункі тытунёвых вырабаў. Нелегальныя цыгарэты былі дастаўленыя з Беларусі кантрабандай з дапамогай метэазондаў.

Супрацоўнікі памежнай заставы ў Кузніцы выявілі два пакункі, абгорнутыя чорнай фальгой, а таксама рэшткі метэазондаў. У кантрабандзе было 3000 пачак цыгарэт з беларускімі акцызнымі маркамі.

У той жа дзень у гміне Барглуў-Касцёльны супрацоўнікі паліцыі выявілі яшчэ адзін пакунак з цыгарэтамі, правезены кантрабандай у паветраным шары. Унутры было больш за 1500 пачак цыгарэт з беларускімі акцызнымі маркамі.

Агульны кошт канфіскаваных кантрабандных цыгарэт складае амаль 80 000 злотых (амаль $22 тысячы).