Карлас Алос пакідае зборную Беларусі па футболе

• 4.12.2025, 14:51

Іспанец працаваў з камандай з жніўня 2023 года.

Беларуская федэрацыя футбола (БФФ) развіталася з галоўным трэнерам нацыянальнай зборнай Карласам Алосам

Пра спыненне супрацоўніцтва з 50-гадовым іспанскім спецыялістам абвешчана у Telegram-канале БФФ.

Алос працаваў у зборнай Беларусі з жніўня 2023 года. Ён змяніў на пасадзе галоўнага трэнера зборнай Георгія Кандрацьева, але не вывёў каманду на новы ўзровень, а толькі паглыбіў падзенне.

У адборачным цыкле чэмпіянату свету па футболе-2026 беларускія футбалісты набралі толькі два ачкі ў шасці матчах. Яны не выканалі задачу па выхадзе ў фінальную частку топ-турніру.

Дадамо, што пагадненне з Алосам дзейнічала да канца сезону-2026, аднак у БФФ пайшлі на разрыў дамоўленасцей.