Нацбанк паказаў новы знак беларускага рубля

• 31.12.2025, 17:34

Аўтару сімвала заплацяць 3000 рублёў.

У Нацыянальным банку вызначылі пераможцу конкурсу на найлепшы графічны знак беларускага рубля, паведаміла прэс-служба галоўнага фінансавага рэгулятара краіны.

Раней мы паведамлялі, што Нацбанк хоча змяніць графічны знак беларускага рубля.

А 31 снежня ў Нацбанку паведамілі, што пераможцам конкурсу на найлепшы новы графічны знак стаў сімвал, прапанаваны Васілем Шчабетунам.

Праца аўтара набрала максімальную колькасць балаў у агульным заліку. Прыз за новы графічны знак — 3000 беларускіх рублёў.

Канчатковы варыянт новага графічнага знака беларускага рубля зацвердзяць на падставе пераможнай конкурснай працы.