У Беларусі бульбу, капусту і яблыкі пазначаць «спецыяльнымі надпісамі»

• 31.12.2025, 15:12

Яны з’явяцца на гародніне са стабфондаў.

Міністэрства антыманапольнага рэгулявання і гандлю (МАРТ) паведаміла крамам і пакупнікам, што не ўся гародніна і садавіна, якая прадаецца ў крамах, павінна каштаваць не вышэй за нядаўна ўстаноўленыя цэны.

Ідзе гаворка пра тое, што ў гандлёвых сетках адначасова могуць прадавацца як бульба і яблыкі, што пастаўляюцца туды з дзяржаўных стабфондаў па фіксаваных цэнах, так і гародніна і садавіна, пастаўленая ў крамы іншымі пастаўшчыкамі.

Каб пакупнікі не блыталіся, МАРТ парэкамендаваў усім крамам пазначаць гародніну са стабфондаў адпаведнымі надпісамі.