У Варшаве развіталіся з Мікітам Мелказёравым

• 30.12.2025, 23:14

На развітанне з беларускім журналістам прыйшлі сотні чалавек.

Развітанне з аўтарам праекта «Жыццё-маліна» Мікітам Мелказёравым адбылося 30 снежня ў Варшаве. Ля рытуальнай залы прыходскіх могілак у раёне Служэў сабраліся некалькі сотняў чалавек.

Нагадаем, Мікіта Мелказёраў памёр у ноч на 21 снежня.

Мікіту Мелказёраву было 37 гадоў. Ён пачынаў кар'еру як спартыўны журналіст, пасля працаваў на партале Onliner. З 2020 года стаў аўтарам і вядоўцам YouTube-праекта «Жыццё-маліна», які ў Беларусі прызнаны экстрэмісцкім. Таксама Мелказёраў рабіў праект «Загляне сонца».

У Варшаве 23 снежня правялі ўскрыццё цела журналіста. Вынікі судова-медыцынскай экспертызы будуць вядомыя праз некалькі месяцаў.