Санта прыехаў ва Украіну

• 30.12.2025, 23:03

Прывёз «гарантыі бяспекі» і падарункі.

Увечары 30 снежня Санта-Клаўс перасёк мяжу Украіны і, акрамя падарункаў, прывёз украінцам «гарантыі бяспекі». Віншавальнае відэа з надыходзячым святам Новага 2026 года апублікавала Дзяржаўная памежная служба Украіны.

Санта-Клаўс «заехаў» ва Украіну праз заходнюю мяжу на грузавіку Iveco Trakker. На пытанне памежніка, што ён вязе, той адказаў «падарункі», але дадаў, што яны прызначаныя не толькі для дзяцей.

За яскравымі пакетамі была схаваная ракета з надпісам «Security Guarantees» (гарантыі бяспекі), якая была перавязаная чырвонай святочнай стужкай. Але сканар не выявіў у грузавіку небяспечных прадметаў і прапусціў машыну з Санта-Клаўсам ва Украіну.

«З Новым 2026 годам», – павіншавалі ўкраінцаў у ДПСУ.