У Брэсце выпусцілі шкарпэткі ўнутры ёлачных цацак

• 30.12.2025, 18:49

У кожным шары — нечаканы сюрпрыз.

Брэсцкі шкарпэткавы камбінат выпусціў шкарпэткі, схаваныя ўнутры ёлачных цацак, заўважыла выданне Blizko.by.

На інстаграм-старонцы прадпрыемства паведамілі:

«Новая калекцыя шкарпэтак у шарах — гэта цікавы мікс колераў і незвычайных прынтаў, упакаваны ў выглядзе падарункавага пластыкавага шара. Кожны шар — сюрпрыз: унутры вас чакаюць стыльныя, якасныя шкарпэткі з мяккай бавоўны, якія стануць выдатным падарункам або прыемнай пакупкай для сябе».

Гэта, аднак, не першая знаходка такога кшталту: шары з шкарпэткамі прадаюцца рознымі прадпрыемствамі ўжо не першы год.