Расія пачала гандляваць нафтай у страту

• 30.12.2025, 18:45

Усё праз рэкордныя зніжкі для Кітая і Індыі.

Дабыццё нафты ў часткі расійскіх нафтавых кампаній стала стратным на фоне значных зніжак, якія яны даюць пакупнікам у Індыі і Кітаі. Пра гэта паведамляе Reuters са спасылкай на аналітыкаў і крыніцы ў галіне.

Паводле звестак агенцтва Argus, на мінулым тыдні цана расійскай маркі Urals у партах Балтыйскага і Чорнага мора зніжалася да 33–34 долараў за барэль — мінімальнага ўзроўню з часоў пандэміі. Дысконт адносна маркі Brent пры гэтым дасягаў 27 долараў за барэль. Асобныя партыі нафты для кітайскіх нафтаперапрацоўчых заводаў прадаваліся са зніжкай да 35 долараў за барэль, фактычна па цане, удвая ніжэй за рынкавую.

У выніку нафтавая галіна наблізілася да мяжы рэнтабельнасці, а шэраг праектаў ужо стаў стратным. Гэта, між іншага, звязана са складанымі ўмовамі здабычы, адзначае аналітык БКС Кірыл Бахцін.

З прыбыткам працягваюць працаваць радовішчы, на якія распаўсюджваецца льготная стаўка падатку на здабычу карысных выкапняў (НДПИ) — адзін з ключавых крыніц нафтагазавых даходаў бюджэту.

Паводле ацэнак Reuters, каля 20 працэнтаў нафтаздабыўных кампаній плацяць нулявы НДПИ і захоўваюць гандлёвы прыбытак на ўзроўні каля 20 долараў за барэль нават пры бягучых цэнах Urals. Яшчэ прыкладна 30 працэнтаў вытворцаў выкарыстоўваюць паніжаныя падатковыя стаўкі і таксама застаюцца прыбытковымі.