«Зяця і 70 загінулых прывезуць у Воркуту»

• 30.12.2025, 18:05

ГУР апублікавала перахоп пра страты арміі РФ.

Галоўнае ўпраўленне разведкі Міністэрства абароны Украіны апублікавала чарговы радыёперахоп, які сведчыць пра страты расійскай арміі ў вайне супраць Украіны. Матэрыял быў абнародаваны 30 снежня.

Як вынікае з перахопленай размовы, для жыхароў расійскіх рэгіёнаў масавае вяртанне загінулых вайскоўцаў становіцца звыклай з'явай. На аўдыязапісе расіянка распавядае, што ў адзін з лістападаўскіх дзён у Воркуту даставілі амаль цэлую роту загінулых вайскоўцаў РФ — каля 70 чалавек. Сярод іх аказаўся зяць яе знаёмай.

«Прыходзіла да мяне Святлана. Засмучаная. Плакала. Зяця павінны прывезці ў Воркуту. 15 лістапада, значыць, будуць пахаванні — у Воркуту прывезуць 70 загінулых», — гаворыцца ў перахопленай размове.

У ГУР, каментуючы запіс, адзначылі, што «цэласнасць рускага зяця наўпрост залежыць ад месца яго знаходжання».

«Сядзеў бы ў сваёй Воркуце — не было б у цешчы клопатаў», — дадалі ва ўкраінскай разведцы.