У Варшаве пачалося развітанне з Мікітам Мелкозёравым

• 30.12.2025, 14:48

Людзі выстраіліся ў доўгую чаргу.

Цырымонія развітання з журналістам Мікітам Мелкозёравым пачалася ў Варшаве. Яна будзе працягвацца да 15:00 па мясцовым часе. Людзі выстраіліся ў чаргу. На месцы працуе паліцыя. Сям'я забараніла здымкі ўнутры памяшкання, паведамляе «Трыбуна».

Нагадаем, Мікіта Мелкозёраў памёр у ноч на 21 снежня. Пра гэта ў сацсетках паведамілі блізкія журналіста.

Мікіту Мелкозёраву было 37 гадоў. Ён пачынаў кар'еру як спартыўны журналіст, потым працаваў на партале Onliner. З 2020 года стаў аўтарам і вядучым YouTube-праекта «Жыццё-маліна», які ў Беларусі прызнаны экстрэмісцкім. Таксама Мелкозёраў рабіў праект «Загляне сонца».

У Варшаве 23 снежня правялі ўскрыццё цела журналіста. Вынікі судова-медыцынскай экспертызы стануць вядомыя праз некалькі месяцаў.