У Беларусі забаранілі папулярныя пратэртыя ягады з Расіі

• 30.12.2025, 14:25

У іх выявілі забаронены кансервант.

Спецыялісты Дзяржстандарту Беларусі працягваюць сачыць за якасцю прадукцыі ў рэспубліцы, якая трапляе на прылаўкі.

Нестэрылізаваныя кансервы, пратэртая з цукрам клубніца і лімон з імбірам, забаранілі прадаваць у Беларусі, вынікае з рэестра «Небяспечнай прадукцыі».

Кансервы належаць расійскай гандлёвай марцы «Тогрус-гурмэ». У пратэртай клубніцы з цукрам выяўлены недапушчальны кансервант.

«Пры вытворчасці кансерваў выкарыстоўваўся, заяўлены вытворцам у маркіроўцы, недапушчальны кансервант — сарбат калію (E202)», — гаворыцца ў паведамленні.

Такое ж парушэнне выяўлена і ў пратэртым з цукрам лімоне з імбірам.

Прадукцыя не адпавядае патрабаванням тэхнічных рэгламентаў Мытнага саюза «Аб бяспецы харчовай прадукцыі». Кансервы забароненыя да ўвозу і продажу ў Беларусі.

Спецыялісты Дзяржстандарту працягваюць выяўляць неякасную прадукцыю на прылаўках краіны. За няпоўны 2025 год выяўлена каля тысячы найменняў тавараў. Больш за ўсё парушэнняў Дзяржаўны камітэт па стандартызацыі Беларусі знайшоў сярод харчовай і электратэхнічнай прадукцыі.