Зяленскі: Вайна можа завяршыцца ў 2026 годзе

• 30.12.2025, 10:47

РФ баіцца мабілізацыі.

Вайна Расіі супраць Украіны можа завяршыцца ў 2026 годзе, паколькі колькасць расійскай арміі ўпершыню перастала расці.

Пра гэта прэзідэнт Украіны Уладзімір Зяленскі заявіў у інтэрв'ю тэлеканалу Fox News.

Паводле яго слоў, у папярэднія гады РФ штомесяц мабілізоўвала каля 43 тысяч чалавек па кантрактах, аднак у 2025 годзе сітуацыя змянілася. Упершыню колькасць навабранцаў у расійскай арміі зраўнялася з колькасцю страт, з-за чаго агульная колькасць войскаў перастала павялічвацца.

«Таму ў гэтым годзе, у 2025-м, упершыню колькасць іх арміі перастала расці. Таму мы лічым, што ў 2026-м, дай Божа, мы спынім вайну. Інакш Пуцін вырашыць мабілізаваць людзей. Зараз у яго ёсць кантракты, таму што яго народ не паважае мабілізацыю», — сказаў Зяленскі.