Зяленскі рэзка выказаўся аб намерах Пуціна

• 30.12.2025, 8:32

Маскве давяраць нельга.

Прэзідэнт Украіны Уладзімір Зяленскі заявіў, што кіраўнік РФ Уладзімір Пуцін не хоча міру. Паводле яго меркавання, гаспадар Крамля хоча пайсці далей.

Так у інтэрв'ю тэлеканалу Fox News Зяленскі адказаў на пытанне пра тое, ці ёсць прыкметы, што Пуцін хоча міру, калі Расія ўзмацніла атакі на Кіеў напрыканцы года.

«Не, калі быць шчырым. Я гэтага не чую публічна. Ён не гаворыць пра мір. Наадварот — кажа, што можа пайсці далей. Гэта не сігналы міру», — заявіў прэзідэнт Украіны.

Ён перакананы, што патрэбныя і дыялог, і ціск з боку Трампа.

«У яго ёсць інструменты, і я лічу, што ён спрабуе дасягнуць міру», — адзначыў Зяленскі.

Ён таксама дадаў, што Пуціну давяраць нельга.

«Ён не хоча ўзмацнення санкцый. Можа казаць пра «танную электраэнергію», але нам гэта не трэба. Мы заплацілі занадта высокую цану — жыццямі. Нам нічога ад іх не трэба. Гэта толькі паведамленне для Трампа, спосаб камунікацыі», — заявіў Зяленскі.