Нашумелыя аўто пад маркай Zubr не будуць прадавацца ў Беларусі

• 3.12.2025, 21:37

Ніводнае прадпрыемства не атрымала дазволу на вытворчасць машын.

У Міністэрстве прамысловасці назвалі навіны пра запуск вытворчасці аўто пад кітайскай маркай Zubr у Беларусі фэйкам. Пра гэта піша БелТА.

Па стане на сераду, 3 снежня, ніводнае прадпрыемства не атрымала афіцыйнага дазволу на вытворчасць згаданых машын.

«Мы падкрэсліваем, што любыя публікацыі, якія сцвярджаюць адваротнае, з’яўляюцца неабгрунтаванымі і ўводзяць грамадскасць у зман», — падкрэслілі ў прэс-службе ведамства.

У Мінпраме заклікалі ўсіх прадстаўнікоў СМІ ўважліва правяраць такія звесткі.

Ведамства таксама паабяцала аператыўна інфармаваць пра ўсе значныя навіны галіны ў сваіх афіцыйных каналах сувязі.