Міністр замежных спраў Францыі: Украіна — першая лінія абароны Еўропы

• 3.12.2025, 18:30

Чым ЕС можа дапамагчы Кіеву?

Украіна і яе армія сталі для краін Еўрасаюза першай лініяй абароны ў супрацьстаянні з Расіяй, заявіў міністр замежных спраў Францыі Жан-Ноэль Барро, піша Le Point.

«Мы павінны сказаць тым у Еўропе, хто прапаведуе замірэнне, а насамрэч — капітуляцыю, што гэтая вайна — наша вайна, і што незалежная Украіна — наша адзіная гарантыя бяспекі», — падкрэсліў дыпламат.

Барро паабяцаў працягваць працу над гарантыямі бяспекі для Кіева. Паводле яго слоў, частку гарантый зможа забяспечыць еўрапейскі вайсковы кантынгент на тэрыторыі Украіны.