У Беларусі выпусцілі каўбасы з водарамі трускаўкі і курагі

• 3.12.2025, 17:02

Гэтыя прадукты вырабляе Жлобінскі мясакамбінат.

Нестандартныя каўбасы заўважылі пакупнікі ў Магілёўскай вобласці. Гэта каўбасы з водарамі трускаўкі і курагі, паведамляе Instagram-акаўнт «Магілёў Online».

Сыравяленыя мясныя вырабы называюцца «Ф'южн з водарам трускаўкі» і «Ф'южн з водарам курагі». Гэтыя прадукты вырабляе Жлобінскі мясакамбінат.

Упершыню іх паказалі на рэспубліканскім конкурсе «Прадукт года — 2025». Варыянт з курагой нават заваяваў гран-пры ў катэгорыі «сыракопчаныя і сыравяленыя каўбасныя вырабы».

Паведамляецца, што незвычайныя каўбаскі прадаюцца як у фірмовых крамах, так і ў рознічных гандлёвых сетках. Праўда, першая партыя ўжо разышлася па руках.