У Беларусі зацвердзілі стаўкі будучага падатку для багатых

• 3.12.2025, 14:36

Колькі давядзецца заплаціць?

У Беларусі ў другім чытанні прынялі законапраект «Аб змяненні законаў па пытаннях падатковых праваадносін». Шэраг рашэнняў прынялі 3 снежня.

У выніку перагледжаны стаўкі павышанага падаткаабкладання даходаў грамадзян, піша «Точка».

Стаўка падаходнага падатку ў дачыненні да працоўных і іншых даходаў больш за Br600 000 складзе 30%.

Большасці беларусаў гэта не датычыцца. З 2026 года стандартную стаўку падатку 13% будуць плаціць усе з даходамі да Br350 000. Такіх, паводле звестак Мінфіна, больш за 98% грамадзян.

Пры гадавым даходзе звыш Br350 000, але не больш за Br600 000, як і прадугледжвалася раней, стаўка будзе 25%.

«У дачыненні да дывідэндаў стаўка падаходнага падатку складзе 13% для даходаў у памеры да Br350 000 і 25% для даходаў у памеры звыш Br350 000», — расказалі ў прэс-службе «палаткі».