У Наваполацку адкрытым полымем гарэла бальніца

• 3.12.2025, 13:35

Пажар тушылі 14 адзінак тэхнікі МНС.

У Наваполацку гарэла гарадская бальніца. Падрабязнасці паведамілі ў прэс-службе МНС.

Пажар у наваполацкай медустанове адбыўся 3 снежня. У дзяжурную службу МНС паведамілі пра загаранне на трэцім паверсе ў будынку гарадской бальніцы.

Калі прыбылі падраздзяленні пажарных, на месцы ўжо назіралася адкрытае гарэнне. Пажар узнік у падсобным памяшканні бальніцы.

Да прыбыцця выратавальнікаў МНС персанал гарадской бальніцы правёў эвакуацыю 24 дзіцяці. Таксама былі эвакуаваныя 11 работнікаў медустановы.

Выратавальнікам удалося аператыўна ліквідаваць загаранне. На шчасце, ніхто не пацярпеў.

- На месцы здарэння працавалі 14 адзінак тэхнікі МНС, - пракаментавалі ў прэс-службе.

Прычыну пажару яшчэ належыць устанавіць.