Спробы РФ акупаваць Гуляйполе праваліліся

• 3.12.2025, 12:45

Расіян, якія спрабавалі зайсці ў горад, знішчылі Сілы абароны Украіны.

Расійскія войскі спрабавалі прарваць фронт у Запарожскай вобласці і акупаваць Гуляйполе, але ўсе спробы ворага праваліліся.

Пра гэта паведамляе РБК-Украіна са спасылкай на Telegram кіраўніка ЦПД СНБО Андрэя Каваленкі.

«Спробы расіян акупаваць Гуляйполе на Запарожскім напрамку праваліліся. (Расійскі дыктатар Уладзімір — рэд.) Пуцін надуваецца, як шарык, перад амерыканцамі ў спробе прадэманстраваць, што «можа на фронце ўсё», але рэальнасць супрацьлеглая», — адзначыў Каваленка.

Ён таксама падкрэсліў, што расіяне не здольныя праламаць фронт, хаця баі працягваюцца і сапраўды вельмі цяжкія.

«Мэта РФ застаецца нязменнай — знішчэнне дзяржавы Украіна, але нічога ў іх не атрымаецца», — дадаў кіраўнік ЦПД СНБО.

Баі каля Гуляйполя

Нагадаем, 26 лістапада з'явілася інфармацыя, што расійскім акупантам удалося прарваць абарону ЗСУ каля Гуляйполя і прасунуцца амаль упрытык да самога горада.

Прадстаўнік Сіл абароны поўдня Уладзіслаў Валошын патлумачыў у каментарыі РБК-Украіна, што абвастрэнне на Гуляйпольскім напрамку адбылося пасля перагрупоўкі ўкраінскіх сіл. Адно з падраздзяленняў здзейсніла неўзгоднены адыход, з-за чаго быў аголены фланг абароны. Гэтым скарысталіся расійскія войскі, якія зайшлі ва фланг Сіл абароны.

У той жа час, як паведамілі ў ЦПД, інфармацыя пра тое, што расійскія войскі нібыта ўвайшлі ў сам Гуляйполе, не адпавядае рэчаіснасці. Расіян, якія спрабавалі зайсці ў горад, знішчылі Сілы абароны Украіны.

Таксама паведамлялася, што расійскія акупанты не спыняюць штурмавыя дзеянні ў раёне Гуляйполя Запарожскай вобласці. Аднак былі спынены ўкраінскімі абаронцамі на падыходах да горада.