«Кааліцыя рашучых» правядзе важную сустрэчу

• 29.12.2025, 9:29

Будзе вызначаны ўнёсак кожнай краіны ў абарону Украіны.

Прэзідэнт Францыі Эманюэль Макрон заявіў пра прасоўванне ў пытанні прадастаўлення гарантый бяспекі Украіне і паведаміў, што ўжо на пачатку студзеня плануецца вызначыць унёсак кожнай краіны, якая ўваходзіць у «кааліцыю рашучых».

Пра гэта французскі лідар напісаў у сацыяльнай сетцы X.

Паводле слоў Макрона, увечары 28 снежня ён правёў анлайн-перамовы з прэзідэнтам Украіны Уладзімірам Зяленскім і прэзідэнтам ЗША Дональдам Трампам пры ўдзеле шэрагу еўрапейскіх лідараў. Пасля гэтага, як вынікае з публікацыі, адбылася асобная размова Макрона з Зяленскім.

Прэзідэнт Францыі падкрэсліў, што ў абмеркаванні гарантый бяспекі быў дасягнуты прагрэc, а на пачатку студзеня ў Парыжы адбудзецца сустрэча краін «кааліцыі рашучых», на якой плануецца канчаткова ўзгадніць канкрэтны ўнёсак кожнай дзяржавы.

«Мы прасоўваемся ў пытанні гарантый бяспекі, якія будуць мець ключавое значэнне для фармавання справядлівага і ўстойлівага міру. На пачатку студзеня мы збяром краіны „кааліцыі рашучых“ у Парыжы, каб завяршыць узгадненне канкрэтных абавязацельстваў кожнай з іх», — адзначыў Макрон.