Зяленскі: каманды Украіны і ЗША на 90% выканалі працу над мірным планам

• 28.12.2025, 23:04

Паводле яго слоў, бакі на працягу апошніх месяцаў прасунуліся наперад у перамовах.

План з 20 пунктаў, які абмяркоўваўся прадстаўнікамі Украіны і ЗША, на 90% быў узгоднены. Пра гэта заявіў прэзідэнт Украіны Уладзімір Зяленскі падчас сумеснага звароту да прэсы перад перамовамі з прэзідэнтам ЗША Дональдам Трампам у Маямі.

«На 90% нашы дзве каманды выканалі гэтую працу па забеспячэнні гэтага плана. Гэты план таксама прадугледжвае значныя эканамічныя плюсы для Украіны, аднаўленне Украіны, бо патэнцыйна гэта дазволіць хуткаму далейшаму развіццю. Для Украіны гэта будзе вялікай эканамічнай здзелкай», – сказаў Зяленскі.

Паводле яго слоў, бакі на працягу апошніх месяцаў прасунуліся наперад у перамовах. Ён таксама падкрэсліў, што Еўропа прыкладае велізарныя намаганні да перамоўнага працэсу.

«Нашы каманды працуюць, як запланавана, над фінансавымі аспектамі аднаўлення і далейшымі планамі, бо гэта вельмі важна для стратэгічнага далейшага прасоўвання крок за крокам. Для завяршэння вайны, забеспячэння міру і ўсіх далейшых крокаў», – сказаў Зяленскі.