Трамп і Зяленскі сустрэліся ў Фларыдзе

• 28.12.2025, 21:53

Прэзідэнты ЗША і Украіны перайшлі да перамоваў за зачыненымі дзвярамі.

Прэзідэнт Украіны Уладзімір Зяленскі прыбыў на перамовы з прэзідэнтам ЗША Дональдам Трампам у маёнтак амерыканскага лідара Мар-а-Лага ў Фларыдзе.

Лідары прыступілі да закрытай часткі перамоваў, коратка адказаўшы на пытанні журналістаў.

Сустрэча адбудзецца ў галоўнай абедзеннай зале Мар-а-Лага. Пасля яе Трамп і Зяленскі правядуць тэлефонную размову з еўрапейскімі лідарамі, яна павінна пачацца а 22:00 паводле мінскага часу.