671-я ракетка Кірыёс перамог Сабаленку ў паказальным матчы «Бітва палоў»

• 28.12.2025, 21:04

Памер боку корта, на якім гуляла беларуска, быў паменшаны на 9%

671-я ракетка свету, аўстраліец Нік Кірыёс, атрымаў перамогу над чатырохразовай пераможцай турніраў «Вялікага шлема», першай ракеткай свету, беларускай Арынай Сабаленкай у паказальным матчы «Бітва палоў» з лікам 6:3, 6:3.

Працягласць матчу склала 1 гадзіну 17 хвілін. За час сустрэчы Кірыёс зрабіў адзін эйс і рэалізаваў 6 з 15 брэйк-пойнтаў. Арына Сабаленка за час гульні не зрабіла ніводнага эйса і змагла рэалізаваць тры брэйк-пойнты з сямі.

Паводле рэгламенту матчу ў абодвух тэнісістаў была па адной падачы (без другой), а памер боку корта, на якім гуляла Сабаленка, быў паменшаны ад стандартнага на 9%.

Раней Арына Сабаленка заявіла, што яна ўпэўненая ў сваёй перамозе ў матчы з Кірыёсам.