Трамп і Зяленскі пасля сустрэчы звяжуцца па тэлефоне з лідарамі Еўропы

• 28.12.2025, 18:50

Перамовы прэзідэнтаў ЗША і Украіны адбудуцца сёння.

Прэзідэнты ЗША і Украіны Дональд Трамп і Уладзімір Зяленскі правядуць тэлефонную размову з еўрапейскімі лідарамі. Пра гэта паведаміў прадстаўнік офіса прэзідэнта Украіны Сяргей Нікіфараў, перадае РБК-Украіна.

Паводле яго слоў, размова пачнецца прыкладна а 22:00 паводле мінскага часу. Яна адбудзецца ўжо пасля таго, як Зяленскі і Трамп правядуць двухбаковыя перамовы — сустрэча пачнецца на гадзіну раней. Пасля яе палітыкі павінны выступіць з сумеснымі заявамі.

Хто менавіта з еўрапейскіх лідараў далучыцца да тэлефоннай размовы, яшчэ ўзгадняецца, дадаў Нікіфараў.