Зяленскі ўжо прыляцеў у Маямі

• 28.12.2025, 17:40

Прэзідэнт Украіны сёння правядзе сустрэчу з Трампам.

Прэзідэнт Украіны Уладзімір Зяленскі прыляцеў у Маямі, дзе сёння павінен сустрэцца з прэзідэнтам ЗША Дональдам Трампам.

Відэа прыбыцця Зяленскага апублікавалі «Новини Live».

28 снежня прэзідэнт Украіны сустрэнецца з прэзідэнтам ЗША ў горадзе Палм-Біч, штат Фларыда.

Першапачаткова сустрэча была запланаваная на 22:00 па мінскім часе, аднак яе перанеслі на 20:00.

Зяленскі паведамляў, што плануе абмеркаваць з прэзідэнтам ЗША пытанні гарантый бяспекі, аднаўлення краіны і эканамічнае пагадненне.